Oratio Imperata Batok Sa COVID-19

ORATIO IMPERATA BATOK SA PANDEMYA SA COVID-19

Diyos, among Amahan, misangpit kami kanimo

niining panahon sa among panginahanglan

nga unta mapanalipdan mo kami batok

niining hulga sa COVID-19

nga mikalas na sa pipila ka mga kinabuhi

sa among kaigsuonan ug nahiagom sa kadaghanan.

Nangaliyupo kami sa Imong grasya

alang sa mga tawo nga gitahasan sa pagtuon 

sa hinungdan niining maong virus 

nga nagdala sa makalilisang nga sakit.

Giyahi ang mga kamot 

ug lamdagi ang mga huna-huna

sa mga doktor nga nag-alima sa mga masakiton

subay sa ilang katakus 

ug dinuyugan sa gugma ug kalooy.

Kanila usab nga mga kawani 

sa lokal ug nasudnong panggamhanan

ug kanilang mga pribado nga mga ahensya

nga nangita og kasulbaran sa maong pandemya,

mahatagan unta sila sa Imong Diosnong lamdag.

Nangaliyupo usab kami kanila 

nga nahiagom sa maong pandemya,

mahatag unta pagbalik 

ang kapiskay sa ilang panglawas.

Itanyag kanamo ang grasya nga magkahiusa 

kami sa pagbuhat alang sa kaayohan sa tanan ug pagtabang sa mga nagkinahanglan.

Kini among gipangayo pinaagi sa among Ginoong Jesu Cristo, Imong Anak, nga nagpuyo ug nagahari uban Kanimo

diha sa kahiusa sa Espiritu Santo, Dios hangtud sa kahangturan. Amen.

Maria, Panabang sa mga Kristyanos, i-ampo mo kami.

San Rafael Arkanghel, i-ampo mo kami.

San Roque, i-ampo mo kami.

San Lorenzo Ruiz, i-ampo mo kami.

San Pedro Calungsod, i-ampo mo kami.